మంచి-చెడు

నువ్వు మనిషివి ,మంచిని-చెడుని కలుపుకు తిరిగే అల్పుడివి ..
ఏది మంచి -ఏది చెడు అని విడదీసి చెప్పి నీ మనసుకు నువ్వు సమాధానం చెప్పుకోలేని అధముడివి ..
నీ మానవ సమూహం లో ఏ మనిషి చెప్పగలడు నే మంచోణ్ణి,నే చెడ్డోణ్ణి అని నిర్భయంగా-నిర్భీతిగా ..
చెప్పాలని ఉన్నా ,స్వరపేటికని బలంగా నొక్కిపట్టే మనస్సాక్షి అన్నివేళలా అడ్డుపడుతూనే వుంటుంది ..
ప్రయత్నించు నువ్వైనా చెప్పగలవేమో..

నాగరిక సమాజంలో ఎవడికి తోచింది వాడు చేసేస్తాడు ,అనుకూలిస్తే మంచి అంటాడు -కాకపోతే చెడంటాడు
నువ్వు నేర్చుకునే భాషలోనే ప్రకృతి -వికృతి కలగలిసి ఉన్నాయ్ .. ఇంక నా చేత నువ్వు కొత్తగా మంచి-చెడు చెప్పించుకునేదేముంది?
మంచి-చెడు ల భావన పక్కకి తోసేసి ,కార్యసాధనలో బతికేస్తున్న జీవులే నేటి సమాజంలో అడుగడుగునా తారసపడుతున్నారు కాలర్ ఎగరేస్తూ ...